a tropa de trapo

NOTICIAS da Tropa de Trapo:

XA ESTÁ AQUÍ O NOVO VÍDEO DE CCMA

Xa podedes ver en vídeo o resumo de Contos Coas Mans Abertas, o noso último espectáculo. Neste ano 2011 pasaremos por 42 concellos galegos coa nova xira do Fondo Galego de Cooperación e Solidariedade, dentro da campaña de sensibilización.

- NOVO VÍDEO DA HORA AZUL EN YOUTUBE

Aquí está o enlace do novo vídeo actualizado do noso espectáculo máis veterano : A Hora Azul.

Se non che funciona, fai clic aquí para ver o novo vídeo da Hora Azul en youtube

- ENTREVISTA NA RADIO GALEGA

O pasado martes 26 de Xullo, estivemos no programa Convivir en Igualdade da Radio Galega, para falar da nova xira de Contos Coas Mans Abertas, organizada polo Fondo Galego de Cooperación e Solidariedade.

Aquí podedes escoitar o fragmento da entrevista:

entrevista convivir en igualdade 26-07-11

- NOVO VIDEO DA VIAXE DAS PALABRAS

Xa podedes ver o noso novo vídeo d»A Viaxe das Palabras», o noso espectáculo para público familiar. Son fragmentos da gravación do 25 de xullo en Castrovite (Orazo – A Estrada).

- NOVA XIRA DE CCMA CO FONDO GALEGO 2011

Xa está asinada e xa comezamos a concretar datas da NOVA XIRA DE CONTOS COAS MANS ABERTAS que organiza o Fondo Galego de Cooperación e Solidariedade dentro das súas actividades de sensibilización.

Esta iniciativa comezou no 2010 e levounos por 20 concellos da Galiza. A experiencia foi moi positiva e agora ambas partes decidimos continuar o proxecto un ano máis, pero este ano chegando un pouco máis alá.

En total serán 42 actuacións ata fin de ano, que levarán CONTOS COAS MANS ABERTAS por toda a xeografía do país.

Para ver a páxina do espectáculo, preme aquí:

http://tropadetrapo.blogaliza.org/espectaculos/contos-coas-mans-abertas/

- ENTREVISTA EN VOCES CON FONDO

Aquí tedes un fragmento da entrevista para o programa Voces con Fondo de AGARESO.

Para oíla, preme no seguinte mp3:

entrevista agareso xira 2011

- 2 NOVOS ESPECTÁCULOS INFANTÍS EN BREVE

Entre os novos proxectos que temos entre mans (non paramos!) actualmente estamos a centrarnos na creación de 2 espectáculos infantís novos.

Ao igual ca na VIAXE DAS PALABRAS, son varios contos, breves e variados, participativos, e con música en directo. Traballaremos cun pouco máis de decorado, pero sempre dándolle o protagonismo á palabra e á imaxinación dos nenos e nenas (e mamás e papás tamén!) que se acheguen a escoitar uns contos.

Polo de agora, o que vos podemos adiantar é que, nestes novos espectáculos, están moi presentes o mundo do cine e da fotografía, e o encanto dos antigos cines ambulantes e fotógrafos de rúa.

.

Pronto teremos algunha imaxe e algo máis que adiantar!

 Vídeo do espectáculo A Hora Azul